Prezidentin xüsusi nümayəndəsi Qarabağla bağlı görülən işlərdən danışdı

“İşğaldan azad edilmiş ərazilərdə gerçəkləşən bütün tədbirlər və layihələr kimi, torpaq islahatı da 1-ci nömrəli dövlət proqramı çərçivəsində həyata keçirilir”.

Bu sözləri Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov deyib.

“İşğaldan azad edilmiş ərazilərdə torpaq islahatı ilə bağlı xüsusi işçi qrupu yaradılıb və bu işçi qrupu öz fəaliyyətini davam etdirir. Artıq bununla bağlı bir neçə ölkəyə səfər olunub, beynəlxalq təcrübə araşdırılıb. Azərbaycanda torpaq islahatının ən optimal şəkildə təşkil olunması üçün müxtəlif təhlillər aparılır”, – deyə o qeyd edib.