Pleyeri seçin:
Psixi sağlamlığı yaxşılaşdıran yol | Rəqəmsal pəhrizin nəticələri
İnternetdən imtina beyni 10 yaş cavanlaşdırır. Aparılan son araşdırmanın nəticələri belə deməyə əsas verir.
Təcrübədə Kanada və ABŞ-dən 460-dan çox insan iştirak edib. Onlar bir ay ərzində internetə tam çıxışı bloklayan xüsusi tətbiqdən istifadə ediblər.
“Rəqəmsal pəhriz”ə ən azı 10 gün riayət edənlərin ekran qarşısında keçirdiyi vaxt iki dəfə azalaraq 5 saatdan 2,5 saata düşüb. Onların 90 faizi psixi sağlamlıqlarının əhəmiyyətli dərəcədə yaxşılaşdığını bildirib.
Tədqiqatın sonunda iştirakçılar daha çox ünsiyyət qurmağa, idmanla məşğul olmağa, açıq havada gəzməyə və kitab oxumağa başladığını qeyd ediblər.
Onların sözlərinə görə, internetdən imtinanın təsiri illərlə istifadə olunan antidepressantlardan daha güclü olub.
Alimlər hesab edirlər ki, internetin davamlı stimulyasiyası beynin resurslarını tükəndirir və insanın düşüncə və davranışlarını idarə etməsinə mane olur.
Kopyalandı
Seçilmişlər
