Qaynadılmadan dəmlənən rus içkisi | Soyuqdəymədən qorunmaq üçün bundan qəbul edin

Qış orqanizmimizin vitaminlərə və mikroelementlərə xüsusilə ehtiyac duyduğu zamandır. Lakin bu dövrdə təzə giləmeyvə və meyvə tapmaq kifayət qədər çətindir.

Çıxış yolu isə var: qurudulmuş meyvələrdən dadlı və faydalı içki hazırlamaq olar.

Mütəxəssis Yelena Beteva bildirib ki, rusların vzvar, uzvar, otvar, navar adlandırdığı içki qədim tarixə malikdir. Giləmeyvə və meyvələrdən hazırlanan qədim içki kompotdan fərqli olaraq bişirilmir, qaynar suda dəmlənir ki, bu da faydalı maddələrin maksimum saxlanmasına imkan verir.

O qeyd edib ki, uzvar hazırlamaq üçün istənilən qurudulmuş meyvə və giləmeyvələrdən – armud, zoğal, itburnu, yemişan, qarağat, alma, ərik qurusu, qara gavalı, kişmiş, xurmadan istifadə etmək olar:

“Hər bir tərkib hissəsi təkcə unikal dad deyil, həm də sağlamlıq üçün fayda gətirir. Məsələn, qurudulmuş zoğal soyuqdəymə əleyhinə və antibakterial təsirə malikdir, qurudulmuş albalı həzmi yaxşılaşdırır və ürəyi qoruyur, itburnu isə immunitet sistemini gücləndirir və orqanizmi cavanlaşdırır. Nə qədər çox müxtəlif qurudulmuş meyvələrdən istifadə etsəniz, içkinin dadı və rəngi bir o qədər zəngin olar. Əlavə şirinlik və fayda üçün soyudulmuş uzvara bal qatılır. Nanə, melisa budağı, darçın və ya mixək əlavəsi də dadı daha maraqlı edir”.

Mütəxəssis sonda bildirib ki, vitaminlərin dağılmasının qarşısını almaq üçün uzvarı şüşə qabda hazırlamaq daha yaxşıdır.