Qəhvə içəndə yuxunuz gəlir? | Kofein yorğunluğa elə təsir edir ki...

Qəhvə yorğunluğun qarşısını alsa da, yuxu effektinə də malikdir.

Belə ki, 20-25 dəqiqədən sonra kofeinin təsiri azalır, damarlar genişlənir, qan təzyiqi düşür, yuxululuq və rahatlama vəziyyəti yaranır.

Kofein enerji vermir, yalnız yorğunluq hormonunu bloklayır. Əgər siz artıq yorulmusunuzsa, o zaman bir fincan qəhvədən sonra enerji artımı olmayacaq, amma yorğunluq molekulları yığılmağa davam edəcək.

Orqanizm çoxlu şəkər qəbul edərsə, əvvəlcə enerjidə kəskin artım, sonra isə enerjinin azalması olacaq.

Keyfiyyətsiz kofedəki toksinlər yorğunluq və başgicəllənməyə səbəb ola bilər. Həm də orqanizm daha çox su itirir. Kofein maddələr mübadiləsini sürətləndirdiyi və sidikqovucu təsir göstərdiyi üçün bütün bunlar fiziki fəaliyyət zamanı çox yaxşı hiss olunacaq. Odur ki, idman edərkən qəhvənin əvəzinə daha çox su içmək lazımdır.

Çox kofe içən insanlar narahatlıq yaşayır və bu, yuxululuq, yorğunluğa səbəb ola bilər. Bunun qarşısını almaq üçün gündə maksimum 400 milliqram kofein istehlak edilməlidir.