Qəzalı vəziyyətdə olan binanın sakinləri ölümlə üz-üzə

Zabrat-1 qəsəbəsi, N.Zeynalova 22 ünvanında yerləşən binada 13 ailə yaşayır.

Sakinlər bildiriblər ki, sözügedən tikili bu günə qədər bir dəfə belə restavrasiya edilməyib. Buna görə də hər an binanın uçma təhlükəsi var.

Onlar qeyd ediblər ki, dəfələrlə aidiyyəti qurumlara müraciət olunsa da, ortada bir nəticə yoxdur:

“Son zəlzələ zamanı binadan səs gəldi, qorxudan uşaqları götürüb qaçdıq. Heç kim maraqlanmır. Məcburiyyət qarşısında qalıb yaşayırıq, belə çox çətindir”.

Fövqəladə Hallar Nazirliyindən bildirilib ki, yaşayış binasının qəzalı vəziyyəti ilə bağlı sakinlər tərəfindən fərdi qaydada şikayətlər daxil olsa da, Mənzil Kommunal Təssərrüfatı Birliyindən rəsmi müraciət edilməyib. Buna görə də hər hansı tədbirin görülməsi mümkün olmayıb. Yalnız Baku TV-nin çəkilişindən sonra MKTB FHN-ə rəsmi müraciət ünvanlayıb.