Qəzanın əsl səbəbi | “Uçan” taksi sürücüsü ilə bağlı hər şey ortaya çıxdı

Xəbər verdiyimiz kimi, aprelin 10-u Nizami rayonu, Heydər Əliyev prospekti ilə Ələsgər Qayıbov küçəsinin kəsişməsində yol-nəqliyyat hadisəsi baş verib.

Hadisə nəticəsində taksi sürücüsü Anar Nəcəfov və sərnişin Sevda Həşimova xəsarət alıb.

Qəzadan sonra sosial şəbəkələrdə sürücü, 1974-cü il təvəllüdlü Anar Nəcəfovla bağlı müxtəlif iddialar irəli sürülüb.

Məsələ ilə bağlı A.Nəcəfovun gəlini Münəvvər Nəcəfova Baku TV-yə danışıb.

M.Nəcəfova qəzanın baş vermə səbəbini qayınatasının səhhəti ilə əlaqələndirib: “Ayağında qıcolma var idi. Evdə anidən tuturdu, qışqırırdı, iynə batırandan sonra sakitləşirdi. Dünən onunla danışanda dedi ki, qıcolmam tutdu, ona görə də ayağımı qazdan çəkə bilmədim”.

O, A.Nəcəfovun ayağına elektron qolbağın hansı səbəbdən taxıldığına da aydınlıq gətirib.

Bildirib ki, borcla bağlı A.Nəcəfovun barəsində tədbir görülüb. Buna görə də ayağına elektron qolbaq taxılıb.