QHT-lərdən beynəlxalq təşkilatlara etiraz

Qeyri-Hökumət Təşkilatları Azərbaycanı Laçından Xankəndiyə gedən yolu guya bağladığına görə ittiham edən "Human Right Watch" və "Amnesty International" təşkilatlarına cavab verib.

Qeyd edilib ki, Laçın-Xankəndi yolunda etiraz aksiyalarını davam etdirənlərin məqsədi yolu bağlamaq deyil. Məlumatda bildirilir ki, yol hazırda da açıqdır və sözügedən dinc aksiya humanitar məqsədlər üçün nəqliyyat vasitələrinin hərəkətinə heç bir məhdudiyyət yaratmır.

Qeyri-Hökumət Təşkilatları eyni zamanda ermənilər tərəfindən təbii sərvətlərimizin qeyri-qanuni yollarla istismarına və təbiətin çirkləndirilməsinə göz yumulması faktını insan hüquq müdafiəçisi təşkilatlarının diqqətinə çatdırıb, onları bu məsələyə etirazlarını bildirməyə çağırıblar.