Cəmiyyət
Pleyeri seçin:
Qızıl Xaç "Laçın" postunda saxlanılan ermənilərlə görüşüb
30 və 31 avqust tarixlərində Beynəlxalq Qızıl Xaç Komitəsinin nümayəndələri avqustun 28-də saxlanılan 3 şəxsə baş çəkiblər.
Bu sözləri BQXK-nın Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova deyib.
O bildirib ki, saxlanılanlarla təkbətək görüş keçirilib və onlara ailələri ilə əlaqə yaratmaq imkanı yaradılıb. Qeyd edək ki, avqustun 28-də 3 erməni idmançı “Laçın” sərhəd-buraxılış məntəqəsində saxlanılıb. 2021-ci ildə bəzi kütləvi informasiya vasitələrində bu erməni futbolçuların Azərbaycanın Dövlət bayrağı ilə bağlı təhqiredici hərəkətlər etmələrini əks etdirən videogörüntülər yayılmışdı.
Saxlanılan şəxslər dindirmə zamanı törətdikləri əməli etiraf edərək peşman olduqlarını bildiriblər. Qanunvericiliyin tələblərinə əməl olunmaqla humanizm prinsipi tətbiq edilərək onların barəsində cinayət təqibinə xitam verilib. Məhkəmənin qərarı ilə idmançılara qarşı 10 gün müd¬dətə inzibati həbs tətbiq olunub.
Kopyalandı
Seçilmişlər
