Qocalar evinə istəyirəm, başqa heç nə... | 69 yaşlı kişi niyə parkda yaşayır?

Mingəçevir sakini 69 yaşlı Vitali Zeynalov 10 gündən artıqdır ki, parkda gecələyir.

O iddia edir ki, oğlu və keçmiş həyat yoldaşı iki evini satıb.

“Evimi satıb, pulu da bölüblər. Oğlumun avtoservisi, mağazası var. Maşın alveri ilə də məşğuldur”, – deyə Baku TV-yə açıqlamasında söyləyib.

Vitali Zeynalovun sözlərinə görə, o, gənc yaşlarında Mingəçevirdə taksi fəaliyyəti ilə məşğul olub. Daha sonra Rusiyaya gedərək müxtəlif sahələrdə çalışıb. 18 il əvvəl həyat yoldaşından boşanıb.

Hazırda səhhətində problem olan 69 yaşlı kişi qocalar evinə yerləşdirilməsini istəyir.