Qocalmağı gecikdirmək istəyənlər mütləq bilsin | Ekspertlərdən araşdırma

Stanford Universitetinin alimləri müəyyən ediblər ki, ətraf mühitin üç kimyəvi çirkləndiricisi kadmium, qurğuşun və kotinin bioloji qocalmaya səbəb olur. Bundan başqa, yaşa bağlı xəstəliklərin riskini artırır.

Tədqiqat 1999-2002-ci illərin sağlamlıq məlumatlarına əsaslanıb. Elm adamları 50-84 yaş arası 2346 yetkin insanın qan və sidik nümunələrini analiz ediblər.

Bu, subyektlərin orqanizmlərində metallar, pestisidlər və sənaye çirkləndiriciləri də daxil olmaqla 64 müxtəlif kimyəvi maddənin konsentrasiyasını qiymətləndirmək üçün lazım idi. Tədqiqatçılar bu maddələrin DNT səviyyəsində epigenetik qocalmanın markerlərinə necə təsir etdiyini müəyyən ediblər.

Nəticələr göstərib ki, sürətlənmiş qocalmaya ən əhəmiyyətli təsir siqaret tüstüsündə və bəzi qidalarda olan zəhərli metal kadmiumdur. Tütündə olan nikotinin metaboliti olan kotinin də bioloji yaşın artması ilə əlaqələndirilib.

Bundan əlavə, elm adamları sürətli qocalma ilə köhnə boyada və çirklənmiş suda toplanan qurğuşun arasında da əlaqə tapıblar.