Cəmiyyət
Pleyeri seçin:
Qohum evliliyi qadağan edildi? - Yekun qərar verildi
Azərbaycanda yaxın qohumların nikahını qadağan edən qanun təsdiqlənib.
Ailə Məcəlləsinə dəyişiklik layihəsi parlamentin iyunun 28-də keçirdiyi iclasda 3-cü oxunuşda müzakirəyə çıxarılıb.
Yeniliyə əsasən, nikaha mane olan halların sayı artırılıb. Belə ki, bundan sonra qardaşların və bacıların ümumi bioloji baba və nənəsi olan uşaqlarının, bioloji qohumluğu olan əmi, xala, bibi və dayı uşaqlarının evliliyinə icazə verilməycək.
Layihədə aralarında nikahın bağlanması yol verilməyən subyektlər dairəsinin genişləndirilməsi ilə bağlı təkliflər də irəli sürülüb. Bildirilib ki, bu problemdən əziyyət çəkən dünya əhalisinin bir qismi kimi Azərbaycanda da qan qohumları arasında bağlanan nikahlar nəticəsində doğulan uşaqlarda genetik xəstəliklərin olması riski olduqca yüksəkdir. Müzakirələrdən sonra dəyişiklik layihəsi səsverməyə çıxarılaraq 3-cü oxunuşda qəbul edilib.
Kopyalandı
Seçilmişlər
