Qorxu içində qalan 4 uşaqlı ailə bu evdən görün niyə qaçmalı oldu - Baku TV

Sabunçu rayonunun Bakıxanov qəsəbəsində aşan ağac bir ailəni evindən çıxmağa məcbur edib.

Eldar Xəlilov küçəsi, 32 ünvanında yerləşən evin damına düşən ağacın budağı artıq 4 gündür ərazidən götürülmür.

Güclü külək nəticəsində qırılan budaq burada yaşayan 4 uşaqlı ailə üçün ciddi təhlükə yaradıb. Onlar təhlükəsizlik səbəbi ilə iki gündür evdə qala bilmirlər.

Sakinlər bildirirlər ki, hadisə baş verən gündən aidiyyəti qurumlara dəfələrlə müraciət etsələr də, hələ də heç bir tədbir görülməyib.

Ərazidə aparılan çəkiliş zamanı digər təhlükəli vəziyyətlər də müşahidə olunub. Belə ki, məhəllədə quru və əyri bitən ağaclar, qırılmaq təhlükəsi olan budaqlar var.

Sakinlərin sözlərinə görə, bəzi ağaclar qaz borularının üzərində yerləşir. Bu isə həm yanğın, həm də digər təhlükəli vəziyyətlərin yaranması riskini artırır.