Qoz və fındıqda xoşa gəlməz qoxu varsa… | Diqqət etməli olduğunuz məqamlar

Vaxtı ötmüş və acı tam verən qidaların qəbul edilməsi xərçəng xəstəliyinin inkişafına səbəb ola bilər.

Bu barədə qidalanma üzrə rusiyalı mütəxəssis Svetlana Qertle-Zaqorskaya məlumat verib.

Onun sözlərinə görə, əgər yağ və ya qoz-fındıq xoşagəlməz qoxu və dad verirsə, bu, məhsulun kimyəvi dəyişikliklərə məruz qaldığına dair bir siqnaldır. Bu da sağlamlıq üçün potensial təhlükə deməkdir.

Acı tam oksigen, işıq, nəmlik və istiliyin təsiri altında baş verən yağların oksidləşməsi prosesidir. Oksidləşmə nəticəsində məhsullarda sərbəst radikallar əmələ gəlir ki, bu da orqanizmin hüceyrələrini məhv edir, iltihabi proseslərə səbəb olur və ciddi xəstəliklərə yol aça bilər.

Həkim bildirib ki, bu cür qidaların davamlı istifadəsi xərçəng, ürək-damar və qaraciyər xəstəlikləri kimi xroniki xəstəliklərlə nəticələnə bilər.