Qubadlının işğaldan azad edilməsindən 4 il keçir

Bu gün Qubadlı şəhərinin işğaldan azad edilməsinin ildönümüdür.

2020-ci il oktyabrın 25-də Qubadlı şəhəri erməni işğalından azad edilib.

İkinci Qarabağ müharibəsi zamanı rayonun şərqində yerləşən Cəbrayıl rayonunda düşmən qüvvələrinə sarsıdıcı zərbə vurulması və cənubda yerləşən Zəngilan rayonunda qısa müddətdə aparılan uğurlu əməliyyatlar Azərbaycan Silahlı Qüvvələri bölmələrinin Qubadlı rayonunun inzibati hüdudlarına çıxmasına şərait yaradıb.

Qubadlı şəhərinin işğaldan azad edilməsi uğrunda şiddətli döyüşlər gedib. Düşmənin müqavimətini qıran Azərbaycan Ordusu onu geri çəkilməyə məcbur edib, ağır məğlubiyyətə uğradıb. Qubadlı əməliyyatı zamanı Ermənistan Ordusunun xeyli canlı qüvvəsi və texnikası məhv edilib.

Qeyd edək ki, Qubadlı 1993-cü il avqustun 31-də Ermənistan Silahlı Qüvvələri tərəfindən işğal edilmişdi.