Qubanın Xırt kəndində qeyri-adi məktəb | Yeganə şagird və müəllimi danışdı

Qubanın mərkəzindən təxminən 50 kilometr məsafədə yerləşən Xırt kənd ibtidai məktəbində cəmi 1 şagird təhsil alır.

Məktəbin yeganə şagirdi olan Nəzrin Süleymanova 3-cü sinifdə oxuyur:

“Şagirdlər yoxdur. Ona görə də tək qalmışam. Tək gedib-gəlirəm, dərslərimi yaxşı oxuyuram”.

23 ildir sözügedən məktəbin tək müəllimi olan Arif Babayev hər il 17-18 şagirdinin olduğunu, getdikcə isə onların sayının azaldığını deyib: “Keçən il 4 şagirdim var idi. Onlar da 4-cü sinifi bitirdikləri üçün başqa məktəbə gediblər. Hələlik 1 nəfər qalıb. Mən də təkəm, 23 ildir həm rəhbər, həm də müəllim kimi bu məktəbdə işləyirəm”.