Pleyeri seçin:
"Burada bütün şərait var" | Bakı-Tbilisi-Bakı sərnişin qatarı ilə tanış olun - Baku TV
Altı ildən sonra Bakı–Tbilisi–Bakı marşrutu üzrə sərnişin qatarlarının fəaliyyəti bərpa olunub. Qatarlar müasir yataq tipli vaqonlardan ibarətdir.
“Azərbaycan Dəmir Yolları” QSC-nin şöbə müdiri Bəxtiyar Hacıyev bildirib ki, vaqonlar İsveçrənin “Stadler Rail Group” şirkəti tərəfindən istehsal olunub.
“2019-cu ilə qədər fəaliyyət göstərmiş qatarlarla müqayisə aparmaq doğru olmaz. Yeni qatarlar həm xidmət, həm komfort, həm də inklüzivlik baxımından daha mükəmməldir. Hərəkəti məhdud şəxslər üçün xüsusi yerlər ayrılıb və onların minib-düşməsi üçün əlavə şərait təmin olunub. Qatarların səyahət müddəti doqquz saat yarımdır. Burada nəzərə alınmalıdır ki, bir saat Azərbaycan sərhədində, bir saat isə Gürcüstan sərhədində dayanmaq tələb olunur. Sərnişinlər 25–30 gün əvvəl bilet alaraq daha endirimli səfərlərdən yararlana bilərlər”, – deyə Bəxtiyar Hacıyev əlavə edib.
Kopyalandı
Seçilmişlər
