"Günay Bank"da sığortalanmayan milyonlar necə qaytarılacaq?

“Sabahından arxayın” devizi ilə müştərilərə xidmətdən söz açan “Günay Bank”ın lisenziyası ləğv edildi. İndi isə hamını əmanətlərin sabahı maraqlandırır.

Əmanətçilərdən biri iqdisadçı ekspert Samir İsmayıl öz sosial şəbəkə hesabında yazıb ki, onun bankdakı 1 950 manat əmanəti dondurulub. Ekspertin sözlərinə görə, əvvəlki illərdə də oxşar hallar yaşanıb.

Qeyd edək ki, Mərkəzi Bankın qərarında bildirilib ki, “Günay Bank” tərəfindən təqdim olunan hesabatlara əsasən, 2023-cü ilin I rübünün sonunadək bank üzrə ümumi depozitlərin həcmi 108.5 milyon manat təşkil etdiyi halda, cəmi 38.5 milyon manatlıq hissəsi sığortalanıb. Qalan 70 milyon manat əmanətin aqibəti hələlik məlum deyil.

Bəs “Günay Bank”da sığortalanmayan milyonlar necə qaytarılacaq?