Bağlanmış bankın əmanətçilərinə kompensasiya verilməsinə başlanılır

İyunun 19-dan etibarən müflis elan edilən “Günay Bank” əmanətçilərinə kompensasiyaların verilməsi prosesinə başlanılır.

Əmanətçilər kompensasiyaların alınması üçün adıçəkilən bankın müvafiq filial və şöbələrinə müraciət edərkən kompensasiyaların ödənilməsi prosedurlarına uyğun olaraq əmanət müqaviləsini, əmanət kitabçasını və əmanətin sahibliyini təsdiq edən digər sənədləri, habelə şəxsiyyəti təsdiq edən sənədi təqdim etməlidirlər.