"İşgəncələr məbədi - Şuşa həbsxanası" sənədli filminin müzakirəsi

Nizami Kino Mərkəzində “Obyektiv” Milli Dəyərlərin Təbliğinə Dəstək İctimai Birliyi tərəfindən hazırlanan “İşgəncələr məbədi - Şuşa həbsxanası” sənədli filminin ictimai müzakirəsi keçirilib.

Qarabağ faciəsindən bəhs edən filmin ictimai müzakirəsində əsir və itkin düşmüş, girov götürülmüş vətəndaşlarla əlaqədar Dövlət Komissiyasının nümayəndələri, sənədli filmdə çəkilən əsirlik və girovluqdan azad edilən şəxslər, ictimai-siyasi xadimlər, qeyri-hökumət təşkilatlarının rəhbərləri və media təmsilçiləri iştirak ediblər.

Qeyd edək ki, filmdə əsir və girovluqdan azad edilənlər başlarına gətirilən və şahid olduqları hadisələrlə əlaqədar dəhşətli faktlar açıqlayıblar.