Hikmət Hacıyev Şuşada aşkarlanan kütləvi məzarlıqla bağlı paylaşım edib

“Ermənistan məsuliyyətdən yayınmaq üçün kütləvi məzarlıqların yeri barədə ətraflı məlumat verməkdən imtina edir”.

Bu barədə Prezidentin köməkçisi Hikmət Hacıyev “X” sosial şəbəkəsində yazıb.

“Mülki şəxslərin və hərbi əsirlərin saxlandığı, qeyri-insani rəftara və işgəncələrə məruz qaldığı, öldürüldüyü və kütləvi məzarlıqlarda basdırıldığı Şuşa həbsxanası yaxınlığında itkin düşmüş 4000 nəfər azərbaycanlının daha bir kütləvi məzarlığı aşkarlanıb”, – deyə paylaşımda qeyd olunub.

Qeyd edək ki, 1-15 avqust tarixində aparılan qazıntı işləri nəticəsində Şuşa həbsxanası ərazisində 17 şəxsə aid olduğu ehtimal edilən insan qalıqları aşkarlanıb.