"Miniboss Business School Baku"nun təşkilatçılığı ilə "Startup National Cup 2024" keçirilib

"Miniboss Business School Baku"nun təşkilatçılığı ilə sahibkarlıq üzrə 6-17 yaşlı uşaqlar arasında "Startup National Cup 2024" keçirilib.

Tədbir çərçivəsində on dörd komanda müxtəlif sahələr üzrə hazırladıqları biznes layihələrini yerli biznes ictimaiyyətində tanınmış sahibkarlar və investorlara nümayiş etdiriblər.

Yenilikçi iş metodologiyalarından istifadə edən “Miniboss Business School” hazırda 27 ölkədə fəaliyyət göstərir və qlobal bazarda 70-dən çox filiala sahib yeganə məktəbdir.

Beynəlxalq Təhsil Şəbəkəsi olan “Miniboss Business School” hər il sahibkarlıq üzrə uşaqlar və yeniyetmələr arasında “Startup Forum”, milli və dünya çempionatları təşkil edir.

Qeyd edək ki, builki dünya çempionatı 29 iyun-2 iyul tarixlərində Türkiyənin İstanbul şəhərində keçiriləcək.