"Nikosayağı"nın dostu Zaur İskəndərov yayılan videodan danışdı

“Nikosayağı” kimi tanınan bloger Nicat Şakirlinin videosu sosial şəbəkələrdə gündəm olub. Bəzi saytlarda iddia olunur ki, o, keçirdiyi ağır qəzadan sonra ilk dəfə açıqlama verib.

Məsələ ilə bağlı Baku TV-nin apardığı araşdırmalarla məlum oldu ki, sözügedən video köhnədir və yayılan məlumat yalandır.

Görüntü nə vaxt və hansı hadisədə çəkilib, bunu Nicat Şakirlinin yaxın dostu Zaur İskəndərov Baku TV-yə danışdı.

O bildirib ki, illər əvvəl Nicat atdan yıxılıb xəsarət almışdı. Video həmin ərəfələrdə çəkilib: “Nicat hazırda da reanimasiyadadır. Belə şey etməklə əlinizə nə keçir?”

Üstəlik baş verən məlum qəzadan sonra bəzi şəxslər sosial şəbəkələrdə Nikosayağının şəklini qoyub, onun canlı yayımı kimi təqdim edib, reytinq toplamağa çalışır. Bu hal da Nicat Şakirlinin yaxınları tərəfindən qəbuledilməz hesab edilir.