"Sən də get işinin dalınca!" | Sakinlə iş adamı üz-üzə | "Deyir ki, heç kimdən qorxmuram" - Baku TV

Xəzər rayonunun Zirə kəndində yaşayan sakin ona ata-babasından qalan 12 hektar torpaq sahəsinin təxminən 10–15 il əvvəl qanunsuz olaraq ələ keçirildiyini iddia edir.

Şikayətçi Samil adlı sakin bildirir ki, sözügedən əraziyə dair çıxarış və arxiv sənədləri mövcuddur. Lakin onun sözlərinə görə, iş adamı Feyruz Rzayev torpaq sahəsini zəbt edib, ərazidəki əmlakı dağıdıb və hazırda burada zeytun ağacları əkərək torpaqdan istifadə edir.

Şikayətçinin iddiasına görə, torpaq sahəsinin müqabilində ona heç bir ödəniş edilməyib. Əvəzində başqa ərazidə torpaq veriləcəyi vəd olunsa da, bu vəd yerinə yetirilməyib.

“Mənə dedi ki, bu torpağı götürürəm, sənə başqa yerdə torpaq verəcəyəm. Bu söhbət 10–15 il əvvəl olub. İndi isə deyir ki, hara istəyirsən, şikayət et, heç kimdən qorxmuram”, – deyə Samil Musayev əlavə edib.

Məsələyə münasibət öyrənmək üçün Feyruz Rzayevlə telefon əlaqəsi saxlanılıb. O, səsləndirilən iddiaları rədd edərək jurnalistin suallarına ətraflı cavab verməkdən imtina edib və sərt reaksiya göstərib.