"Ümummilli Lider xaçmazlıların xatirəsində"

Xaçmaz rayonunda 15 İyun – Milli Qurtuluş Gününə həsr olunan “Ümumilli lider Heydər Əliyev xaçmazlıların xatirələrində” adlı tədbir keçirilib.

Tədbirdə çıxış edən Rayon İcra Hakimiyyətinin başçısı Elnur Rzayev müstəsna xidmətləri ilə əbədilik qazanan ulu öndər Heydər Əliyevin mənalı və şərəfli həyat yolundan, zəngin və çoxşaxəli irsindən söz açıb.

Milli Qəhrəman Yavər Şahbazovun atası, müxtəlif illərdə ulu öndər Heydər Əliyevlə şəxsən görüşmüş Əlibala Şahbazov, Rayon Ağsaqqallar Şurası İdarə Heyətinin üzvü Əli Mustafayev, ehtiyatda olan zabit Sabir Məmmədov, Xaçmaz Rayon İcra Hakimiyyətinin məsul işçisi Yaqut Məsimova və rayon ziyalısı Sürəyya Əmirova ümummilli liderlə görüşlərindən danışıb, xoş xatirələrini iştirakçılarla bölüşüblər.

Sonda ümummilli lider Heydər Əliyevin 100 illik yubileyinə həsr olunmuş videoçarx nümayiş etdirilib.