Real şirkətlərin adından saxta link yaradanları hansı cəza gözləyir?

Son vaxtlar sosial şəbəkələrdə saxta linklər vasitəsilə istifadəçiləri aldadan yeni fırıldaq üsulları çoxalıb.

Əsas hədəf insanların diqqətini çəkərək şəxsi məlumatlarını əldə etməkdir. Adətən belə linklər şirnikləşdirici təkliflərdən pulsuz “iPhone” qazanmaq və ya endirimlərdən faydalanmaq vədi ilə istifadə olunur. Bu tip linklərdə çox vaxt real şirkətlərin adından istifadə edilir.

Son günlər belə saxta linklərdən biri də məşhur marketlərin birinin adından yaradılıb. Linkə daxil olan istifadəçilərə guya “iPhone” qazanmaq şansı əldə etdikləri bildirilir. Amma mükafatı əldə etmək üçün şərt olaraq linki 5 qrupa və 20 nəfərə göndərmək tələb olunur. Bu yolla fırıldaqçılar öz saxta kampaniyalarını daha geniş auditoriyaya təqdim edirlər.

Məsələ ilə bağlı marketdən bildirilib ki, bu məlumatların heç biri rəsmi deyil:

“Bu kimi fırıldaqçılarla bağlı müştərilərimizi rəsmi səhifəmizdə mütəmadi olaraq məlumatlandırırıq”.

Bəs belə linklərin real olmadığını necə bilmək olar?