“Rus evi” ilə bağlı tədbirlər görüləcək | Agentlikdən vacib məlumat

Paytaxtın Üzeyir Hacıbəyli küçəsində, “Rus Evi”nin fəaliyyət göstərdiyi binanın üzərində yerləşdirilən reklam yazısında qanun pozuntusuna yol verilib.

Bu barədə "Report"un sorğusuna cavab olaraq Dövlət Reklam Agentliyindən bildirilib.

Qeyd olunub ki, “Reklam haqqında” və “Azərbaycan Respublikasında dövlət dili haqqında” qanunların müvafiq maddələrinə əsasən, reklam qurğularında yerləşdirilən mətndə digər dillərdən istifadə oluna bilər. Lakin bu halda xarici dildəki yazı dövlət dilində olan mətndən sonra yerləşdirilməli, ana dildə yazılan mətnin tutduğu sahədən böyük olmamalıdır. “Rus Evi” adlanan müəssisə isə qanunvericiliyin sözügedən tələblərini pozub.

Qeyd olunan faktla bağlı Agentliyə verilən səlahiyyətlər çərçivəsində qanunamüvafiq tədbirlərin görülməsi təmin ediləcək.