Pleyeri seçin:
Sabiq deputat Hüseyn Abdullayevin məhkəməsində nələr baş verdi?
Həbsdə olan sabiq deputat Hüseyn Abdullayevin məhkəməsi baş tutub.
Bakı Ağır Cinayətlər Məhkəməsində hakim Azər Tağıyevin sədrliyi ilə Hüseyn Abdullayev barəsində olan cinayət işi üzrə məhkəmənin hazırlıq iclası keçirilib. İclasda anket məlumatları dəqiqləşdirilib.
Proses zamanı müdafiə tərəfi Hüseyn Abdullayevin səhhətində ciddi problemlər olduğunu əsas gətirərək öz hesabına müayinə olunması, müalicə müəssisəsinə köçürülməsi, həmçinin ev dustaqlığına buraxılması barədə vəsatətlər verib.
Vəkillər qeyd ediblər ki, ev dustaqlığına buraxılması barədə vəsatəti təmin olunmadığı halda, H.Abdullayevin iclaslara onlayn qaydada qatılmasına şərait yaradılmalıdır.
Hakimlər müşavirə otağından qayıtdıqdan sonra qərar elan olunub.
Belə ki, H.Abdullayevin ev dustaqlığına buraxılması barədə vəsatəti rədd edilib. Onun Penitensiar Xidmətin Müalicə Müəssisəsinə köçürüləcəyi bildirilib.
Məhkəmənin baxış iclası avqustun 22-nə təyin olunub.
Kopyalandı
Seçilmişlər
