Sabunçuda suyu zəhərləyənlərin ifşası | Sakinlər özündən çıxdı, qurumlar məsələyə qarışdı

Sabunçu rayonu Maştağa qəsəbəsi Savalan yaşayış massivinin girişindəki su kanalına çirkab su axıdılması bu ərazidə yaşayan sakinləri narahat edir.

Vətəndaşların sözlərinə görə, illərdir aidiyyəti qurumlara şikayət ünvanlasalar da, problem öz həllini tapmır.

“Əraziyə nəzarət olmadığı üçün maşınlar vasitəsilə çirkab sular gətirilib tökülür. Bunu edən şəxsə irad bildirəndə də deyir ki, mənə nə etdilər, pulumu alıb buraxdılar. Əvvəl knalda elə təmiz su var idi ki, həyətdə istifadə edirdik”, –deyə şikayətçilər narazılıq bildiriblər.

Vətəndaşların iddia etdiyi kanala çirkab suları axıdan şəxs də Baku TV-yə açıqlama verib.

“Nardaran, Maştağa, Bilgəh, Kürdəxanı kimi yerlərin kanalizasiya sitemi olmadığı üçün çirkab sularının daşınmasını mən həyata keçirirəm. Həmin kanala axıdılan da qrunt sularıdır. Nə edim? Suyu həyətimə boşaldası deyiləm ki”, – deyə o qeyd edib.