Saçların ağarmasını ləngidən maddə aşkarlandı | Alimlərdən maraqlı araşdırma

Kişilərdə saç 30-35, qadınlarda isə bir az daha gec 40-45 yaşlarında bəyazlaşmağa başlayır.

Yaş artdıqca ağaran saçların sayı da artır. Bu səbəbdən ağ saçlar çox zaman qocalığı təmsil edir. Lakin gənc insanlarda da ağ saçlara rast gəlinir. Bu da olduqca geniş yayılmış hadisələrdəndir.

Siçanlar üzərində aparılan son təcrübələr nəticəsində müəyyən edib ki, luteolin adlı maddə saçların ağarmasını ləngitməkdə faydalıdır.

Luteolin, kərəviz, yaşıl bibər, brokoli, kök və zeytun yağında olan təbii bir antioksidantdır.

Diyetoloq Tobi Amidora görə, bu maddə yalnız iltihablanmanın qarşısını almaqla yanaşı, həm də dərinin yaşlanmasını ləngidir və göz xəstəliklərinə qarşı qoruyucu təsir göstərir.

Alimlər luteolinin və digər iki antioksidantın saçların ağarmasına təsirini araşdırmaq üçün 16 həftə ərzində siçanlar üzərində təcrübə aparıblar. Siçanlara luteolin, hespiridin və diosmetin verildikdən sonra luteolin qəbul edən siçanların tük rənginin daha çox qorunduğu müşahidə olunub. Alimlər bunun luteolinin endotelinlərə müsbət təsiri ilə əlaqələndirirlər.

Lakin mütəxəssislər hələ ki bu nəticələrin insanlara tətbiq edilə bilib-bilməyəcəyini söyləmək üçün tez olduğunu vurğulayırlar.