Saçların daha tez ağarmasına təsir edən amillər | Siçanlar üzərində tədqiqat aparıldı

Bəzi tərəvəzlərin daha bir faydası məlum olub.

Belə ki, siçanlar üzərində aparılan son tədqiqat luteolin adlı maddənin saçların ağarmasını ləngitdiyini göstərib.

Luteolin təbii antioksidantdır, kərəviz, yaşıl bibər, brokoli, kök və zeytun yağında olur.

Diyetoloq Tobi Amidora görə, bu maddə iltihablanmanın qarşısını alır, dərinin yaşlanmasını ləngidir və göz xəstəliklərinə qarşı qoruyucu təsir göstərir.

Alimlər luteolinin və digər iki antioksidantın saçların ağarmasına təsir edib-etmədiyini yoxlamaq üçün siçanlar üzərində təcrübə aparıblar. 16 həftə boyunca siçanlara luteolin, hespiridin və diosmetin antioksidantları verilib.

16 həftə sonra luteolin qəbul edən siçanların tük rəngini daha çox qoruduğu müşahidə olunub.

Alimlər bunun luteolinin endotelinlərə olan müsbət təsiri ilə bağlı olduğunu qeyd edirlər. Ancaq mütəxəssislər hələlik bu nəticələrin insanlara da aid olub-olmadığını söyləmək üçün tez olduğunu bildirirlər.