Sağlamlığınız təhlükədədir! - Mütəxəssislər həyəcan təbili çaldı

Mütəxəssislər saxta qidaların sağlamlıq üçün ciddi təhlükə yaratdığını vurğulayaraq bu cür məhsulların Altsheymer və xərçəng kimi xəstəliklərin riskini artırdığını bildiriblər.

Bir qrup elm adamı pendir, toxum və baldan götürülən nümunələr üzərində araşdırmalar aparıblar. Bu zaman əldə edilən nümunələrin çoxunun saxta olduğu müəyyən edilib.

İstehlakçıların bu cür məhsullardan qorunması üçün qida savadlılığının artırılmasının vacibliyi qeyd edilib. Onlara “üzvi” və ya “təbii” kimi aldadıcı markalara qarşı ehtiyatlı olmaq tövsiyə edilib. Çünki duzluluğun çoxluğu, nitrat tərkibli qidalar, sosiska kimi məhsullar mədə xərçəngi riskini artırır. Bu cür qidaların düzgün emal edilməməsi və yüksək kimyəvi tərkibi sağlamlığa ciddi zərər verə bilər.

Mütəxəssislərin sözlərinə görə, məhsulun qablaşdırılması və üzərində qeyd olunan etiket məlumatları diqqətlə yoxlanılmalıdır. İstehlakçılara tanımadıqları və qablaşdırılmamış məhsullardan çəkinmək, etiketləri diqqətlə oxumaq və məhsulun qeydiyyat nömrəsini yoxlamaq məsləhət olunur.