Salyanda qeyri-sabit hava fermerlərin məhsul və təsərrüfatlarına ziyan vurub - Baku TV

Salyanın üzümçülüklə məşğul olan kəndlərində bağ sahibləri çətinliklə üz-üzə qalıblar. Havaların qeyri-sabit keçməsi üzüm tənəklərində göbələk mənşəli xəstəliklərin kütləvi şəkildə yayılmasına səbəb olub. Nəticədə, yarpaqlarda ləkələr əmələ gəlib, salxımlar isə zədələnib. Bu hal məhsuldarlığın aşağı düşməsinə və təsərrüfat sahiblərinin maddi ziyanla qarşılaşmasına səbəb olub.

Məsələ ilə bağlı təsərrüfat sahibləri Baku TV-yə açıqlama veriblər.

“Keçən il 20 min manat gəlir əldə etmişdim. Bu il isə hər şey məhv olub getdi, qurudu. Nə yarpaq, nə də üzüm sata bilirik, ortada heç nə yoxdur. Ən azı 20-25 min manat ziyana düşmüşəm”, – onlardan biri söyləyib.

Digər bir təsərrüfat sahibi isə qeyd edib: “Xəstəliyə qarşı nisyə dərman alıb sahəyə səpdim. Lakin faydası olmadı. Əlavə xərc çəkməmək üçün dərmanlamağı dayandırdım”.