Şamaxıda 10 uşaqlı ailənin köməyə ehtiyacı var

Günümüzdə çoxuşaqlı ailələrə az rast gəlinir.

Həmin ailələrdən biri də Şamaxı rayonunun Quşçu kəndində yaşayan Əhmədovlar ailəsidir. Ailənin 7 oğlu, 3 qızı var.

Günəmuzd fəhlə işlədiyini deyən Vidadi Əhmədov övladlarını böyütmək üçün maddi köməyə ehtiyacı olduğunu bildirib:

“Uşaqlarıma istədiyim şeyi ala bilmirəm. Sentyabrda məktəb açılır, amma mən onlara heç nə almamışam. Alanda da ürəyim istədiyi kimi olmur. İstəyərdim ki, mənə kömək etsinlər, balalarımı üzüağ böyüdüm, onlara təhsil verim”.

“On dörd nəfər birlikdə yaşayırıq. Gün ərzində 35-40 çörək çatır. Bunun əti, suyu var. İkisi məktəbə gedir, ikisi isə 4-cü sinfə kimi oxuyub, sonradan dərslərdən yayınıblar. Digərlərinin isə yaşı çatmır. Onlar gələcəyin alimi, əsgəri ola bilərlər. Dövlətimiz kömək etsə, yaxşı olar”, – uşaqların babası Sabir Əhmədov deyib.