Samir Şərifovdan deputatın qaldırdığı məsələyə münasibət
Azərbaycanda onkoloji tibb xidmətləri ilə bağlı əlavə vəsaitlərin ayrılmasına dair yaxın zamanlarda təkliflər hazırlanacaq.
Bu barədə maliyyə naziri Samir Şərifov Milli Məclisin Təbii ehtiyatlar, energetika və ekologiya, Əmək və sosial siyasət, Səhiyyə, Beynəlxalq münasibətlər və parlamentlərarası əlaqələr komitələrinin birgə iclasında çıxışı zamanı bildirib.
Nazir qeyd edib ki, onkoloji tibb xidmətlərinin maliyyələşdirilməsi vacib məsələdir və bu sahəyə il ərzində 60 milyon manat vəsait ayrılıb:
“Onkoloji tibb xidmətləri hamımızı narahat edən məsələdir. Biz Səhiyyə Nazirliyi, İcbari Sığorta Bürosu, Milli Onkologiya Mərkəzi və Maliyyə Nazirliyi birgə müzakirələr apararaq bu xidmətlər üçün əlavə vəsaitlərin ayrılması yollarını araşdırmalıyıq. Yaxın zamanda müvafiq təkliflər hazırlanıb hökumətə təqdim ediləcək”.
#Samir Şərifov teqi istifadə olunub
- İki ölkənin rəsmiləri arasında danışıqlar keçirilib | Əməkdaşlıq imkanları müzakirə olunub - Baku TV
- Baş nazir müavinləri işğaldan azad olunan ərazilərə səfər edib
- Belarusun Baş nazirinin müavininə Ağdamda görülən işlər barədə məlumat verildi
- Azərbaycan və Belarusun baş nazirlərinin müavinləri Füzuli və Ağdama səfər etdi
- Azərbaycan-Belarus Hökumətlərarası Komissiyanın 15-ci iclası keçirilib
