"Tərtər işi"nə görə saxlanılan 6 nəfərin həbs müddəti uzadıldı

İstintaq orqanının “Tərtər işi” ilə bağlı cinayət məsuliyyətinə cəlb edilmiş 6 nəfər - Rəşid Niftəliyev, Ruslan Mikayılov, Sənan Maşıyev, Cabir Qəhrəmanov, Elçin Əliyev və İntiqam Məmmədov barəsində seçilmiş həbs qətimkan tədbirinin uzadılması ilə bağlı vəsatətinə baxılıb.

Bakı Hərbi Məhkəməsində keçirilən iclasda vəsatət təmin olunub. Qərara əsasən, təqsirləndirilən şəxslər barəsində seçilmiş həbs qətimkan tədbirinin müddəti daha 3 ay uzadılıb.

İş üzrə daha əvvəl həbs olunmuş 4 nəfərin cinayət işi ilə bağlı ibtidai istintaq başa çataraq, baxılması üçün Bakı Hərbi Məhkəməsinə göndərilib.