Pleyeri seçin:
Səfərbərlik Xidmətinin yeni rəisi Mürsəl İbrahimov kimdir?
Xəbərlərimizi Google-da izləyin
Yeniliklərdən dərhal xəbərdar olun
Prezident İlham Əliyevin müvafiq sərəncamı ilə Mürsəl İbrahimov Səfərbərlik və Hərbi Xidmətə Çağırış üzrə Dövlət Xidmətinin rəisi təyin edilib.
BAKU.WS-in məlumatına görə, M.İbrahimov 1970-ci il sentyabrın 20-də Bakıda anadan olub. 1992-ci ildə Azərbaycan Dövlət Neft və Kimya İnstitutunun Qaz-neft-mədən fakültəsini bitirib. 1992-1997-ci illərdə Daxili İşlər Nazirliyinin Mühafizə İdarəsinin Xətai Rayon Mühafizə Şöbəsində tağım komandiri, baş inspektor vəzifələrində xidmət aparıb.
Daha sonra nazirliyin Daxili Təhqiqatlar İdarəsinin inspektor və baş inspektor vəzifəsində işləyib. O, 10 ildən artıq Milli Təhlükəsizlik Nazirliyində çalışıb, idarə rəisinin müavini vəzifəsinədək yüksəlib. “Hərbi xidmətlərə görə” medalı ilə təltif olunub. 2015-ci ildən sonrakı dövrdə bir sıra özəl şirkətlərdə müxtəlif vəzifələrdə çalışıb. Son illər “Kapital Bank”ın Təhlükəsizlik Departamentinin direktoru olub.
Kopyalandı
Seçilmişlər
