Cəmiyyət
Pleyeri seçin:
Səfirliyimizin yaralı əməkdaşları Bakıda xəstəxanaya yerləşdirilib
Azərbaycanın Tehrandakı səfirliyinə qarşı törədilən terror aktı zamanı xəsarət alan Mahir İmanov və Vasif Tağıyev gecə saatlarında Vətənə gətiriliblər. Onlar Bakıda xəstəxanaya yerləşdiriliblər.
Mətbuatın əldə etdiyi məlumata görə, hadisə zamanı hər 2 mühafizəçi qəlpə yaraları alıb. Terrorçunun zərərsizləşdirilməsində şücaət göstərən Vasif Tağıyev hücum zamanı 6 qəlpə yarası alıb. Tehranda keçirilən və 5 saata yaxın davam edən cərrahi əməliyyatla qəlpələr onun bədənindən çıxarılıb.
Həmçinin səfirliyin digər mühafizəçisi Mahir İmanov da bədənində aşkar edilən qəlpələrə görə əməliyyat edilib. Onların yaxın günlərdə xəstəxanadan ambulator müalicəyə buraxılacağı bildirilir.
Kopyalandı
Seçilmişlər
