Şəhid anasının telefonunu oğurlayan şəxs tutuldu

Mingəçevirdə iki şəhid övladının məzarını ziyarətə gələn ananın mobil telefonunu və pulqabısını oğurlayan şəxs tutulub.

Daxili İşlər Nazirliyindən verilən məlumata görə, təxirəsalınmaz əməliyyat-axtarış tədbirləri nəticəsində oğurluğu törədən şəxsin əvvəllər də bir neçə dəfə məhkum olunan şəhər sakini Vüsal Mahmudov olduğu müəyyənləşib. O, şübhəli şəxs qismində saxlanılıb və üzərində şəxsi axtarış keçirilən zaman külli miqdarda heroin aşkarlanaraq götürülüb.

Araşdırma zamanı V.Mahmudovun oğurluğu törətdikdən sonra mobil telefonu şəhər ərazisində yerləşən yarımtikilidə gizlətdiyi, pulqabını isə küçəyə atdığı məlum olub. Həmin əşyalar da maddi sübut kimi götürülüb.

Faktla bağlı Şəhər Polis Şöbəsində cinayət işi başlanılıb, V.Mahmudovun ətrafında zəruri əməliyyat-istintaq tədbirləri davam etdirilir.