Şamaxıda şəhid anasından oğurluq edildi | Araşdırma başlandı

Şəhid anasının təqaüdü oğurlanıb. Hadisə Şamaxıda baş verib.

Vətən müharibəsi şəhidi İsaxan Qanıyevin Anası Əminə Qanıyevanın təqaüdü bank kartından çəkilib. Fevralın 18-də təqaüd almaq üçün bankomata yaxınlaşan şəhid anasının kartında pul olmayıb.

Övladı ilə müraciət etdikləri bankdan bildirilib ki, onun hesabından 630 manat pul çıxarılıb.

“Düşündüm ki, kartımın vaxtı bitib. Bankdan dedilər ki, kartından pul çəkilib”, – zərərçəkən qeyd edib.

Baş verən hadisə ilə əlaqədar şəhid ailəsi polisə müraciət edib.

Daxili İşlər Nazirliyindən bildirilib ki, məsələ ilə bağlı təhqiqat araşdırmalarına başlanılıb. Əməli törədən şəxslərin müəyyən edilməsi istiqamətində zəruri tədbirlər görülür.

Faktla bağlı araşdırma aparılır.