Şəhid Əbülfəz Cəfərovun qəhrəmanlıq hekayəsi

Baku TV 1990-cı il yanvarın 25-də Neftçalada baş verən hərbi təcavüz zamanı şəhid olan Əbülfəz Cəfərovun ailəsində olub.

Şəhidin qardaşı Rəşad Cəfərov onun qəhrəmanlıq hekayəsindən bəhs edib.

Sovet hərbçilərinin Neftçala şəhərində qırğınlar törətdiyini eşidən Rəşad Cəfərov dərhal evə getdiyini deyib: “Qaç-qaça evə gəldim. Atamla anam soruşdu ki, “Əbülfəz haradadır?”. Anam ağlaya-ağlaya dedi ki, mənim oğlum şəhid olacaq”.

Hərbçilər Əbülfəz də daxil olmaqla 40 nəfərə yaxın yaralını Bankə qəsəbəsində yerləşən hərbi hissənin hamamına aparırlar. Ə.Cəfərova və yanındakılara qarşı vəhşilik orada da davam etdirilir.

“Əbülfəz nişanlı idi. Qardaşımın barmağını kəsib üzüyü çıxardılar. Yaralıları təyyarə qoyub aparanda Əbülfəz şəhid olurdu. Ruslardan biri onu Xəzər dənizinə atmaq istəyib. Lakin özbək təyyarəçi qardaşımın necə mərd biri olduğunu gördüyü üçün buna icazə verməyib”, – deyə R.Cəfərov bildirib.