Cəmiyyət
Pleyeri seçin:
Səhiyyə naziri qəzada ölənlərin arasında kimliyi bilinməyənlərdən danışdı
“Aviaqəzada şəxsiyyəti müəyyənləşdirilməyən həlak olanlarla bağlı DNT analizləri götürülüb”.
Bunu Azərbaycanın səhiyyə naziri Teymur Musayev Yeni Klinikaya yerləşdirilən yaralıların son vəziyyəti barədə jurnalistlərə açıqlamasında deyib.
T.Musayev yaralıların hansı səbəbdən xəsarət aldıqlarının hələ ki məlum olmadığını bildirib:
“Onların qəlpə, yaxud güllə yarasından xəsarət aldıqları barədə konkret bir şey deyə bilmirik. Çünki bu, başqa araşdırma mövzusudur”.
Onun sözlərinə görə, Qazaxıstanda müalicəsi davam edən üç Azərbaycan vətəndaşı süni tənəffüs aparatına qoşulub:
“Onların vəziyyəti stabil ağırdır. Nə zaman müsbət dinamikanı müşahidə etsək, onların da təxliyəsi qüsursuz və problemsiz mümkün olacaq”.
Kopyalandı
Seçilmişlər
