Sərhəddə təcili əməliyyat keçirildi | Anbaan görüntülər

Martın 20-də saat 23:36-da Dövlət Sərhəd Xidmətinin Sərhəd Qoşunlarının “Horadiz” sərhəd dəstəsinin xidməti ərazisində külli miqdarda narkotik vasitənin qaçaqmalçılıq yolu ilə İrandan Azərbaycana keçirilməsinin qarşısı alınıb.

Dövlət Sərhəd Xidmətindən bildirilib ki, keçirilən axtarış tədbirləri nəticəsində Araz çayının sahilində qamışlıq ərazidə aşkar olunan qayığa baxış zamanı 89 kq 940 qr marixuana, 4 kq 660 qram heroin, 7 kq 400 qr metamfetamin və 8010 ədəd narkotik tərkibli güclü təsiredici “Metadon M 40” həbləri aşkar olunaraq götürülüb.

Fakt üzrə əməliyyat-istintaq tədbirləri davam etdirilir.