Siçanlar üzərində aparılan təcrübənin nəticəsi açıqlandı | Tədqiqatçılardan maraqlı məlumat

Əvvəllər yalnız passiv qoruyucu baryer hesab edilən dəri, əslində, infeksiyalara qarşı mübarizə apara bilən özünəməxsus immun sisteminə malikdir.

Bununla bağlı aparılan iki tədqiqat dərinin infeksiyalara qarşı antikor istehsal edə biləcəyini ortaya qoyub.

Tədqiqatlar göstərib ki, dəridəki staphilokokkus epidermidis adlı zərərsiz bakteriya T və B hüceyrələrini aktivləşdirərək antikor istehsalını artırır.

Siçanlar üzərində aparılan təcrübələrdə dərinin limfa düyünləri olmadan da bu immun reaksiyanı həyata keçirə bildiyi müşahidə olunub.

Bu tapıntı dərinin yalnız baryer deyil, həm də müstəqil immun fəaliyyət göstərən “yarı avtonom” sistemə malik olduğunu ortaya çıxarıb.

Stanford Universitetinin mikrobioloqu adıçəkilən bakteriyanın immun reaksiyasını patogenlərə qarşı yönləndirməyi hədəfləyib.

Bu yanaşma dəridən tətbiq oluna bilən krem şəklində peyvəndlərin hazırlanmasına şərait yarada bilər. Belə vaksinlərin istehsalı daha ucuz, istifadəsi isə tibbi personalın müdaxiləsi olmadan da mümkündür. Bu xüsusilə səhiyyə imkanlarının məhdud olduğu bölgələrdə mühüm əhəmiyyət kəsb edir.

Harvard Tibb Məktəbinin dermatoloqu Tomas Kupper bu yanaşmanın innovativ olduğunu desə də, staphilokokkus epidermidisin insanlarda siçanlardakı kimi təsirli olub-olmayacağı ilə bağlı suallar qalmaqdadır.