Stres qocalmanı daha da sürətləndirir? | Diqqətli olmalıyıq, yoxsa…

Uşaqlıqda yaşanan stres beyinin qocalmasının sürətlənməsinə və neyrodegenerativ proseslərin artmasına səbəb ola bilər.

Elm adamları bununla bağlı 30-60 yaş arası 179 qadının iştirakı ilə təcrübə aparıblar.

Tədqiqatın birinci mərhələsində iştirakçıların uşaqlıqda və yetkinlik yaşına çatmazdan əvvəl əhəmiyyətli stres və ya narahatlıq keçirdiklərini müəyyən etmək üçün klinik müsahibə keçirilib.

Daha sonra alimlər neyroiltihab və sinir hüceyrələrinin zədələnməsi ilə əlaqəli biomarkerləri müəyyən etmək üçün qabaqcıl texnologiyadan istifadə edərək qan nümunələrini təhlil ediblər.

Bundan əlavə, iştirakçılar beyinin MRT-sindən və koqnitiv funksiyaların yoxlanılmasından keçiblər.

Nəticələr göstərib ki, sui-istifadə, laqeydlik, məişət zorakılığı, ailədə narkotik maddələrdən istifadə, cinayətkarlıq və uşaqlıqda valideyn itkisi kimi amillər neyroiltihabın artması və beyin degenerasiyasının sürətlənməsi ilə əlaqələndirilir.

Bundan əlavə, həyatın erkən dövründə stresə məruz qalan qadınların beyin həcminin daha kiçik olduğu müəyyən edilib.