Alimlərdən xərçəng xəstəliyi barədə vacib araşdırma

Qroningen Universiteti Tibb Mərkəzinin alimləri stres və digər psixososial amillərin xərçəng riskini artırmadığını aşkar ediblər.

Tədqiqat zamanı psixoloji və sosial amillərin xərçənglə əlaqəli olub-olmadığını araşdıran beynəlxalq konsorsiumun məlumatlarından istifadə edilib.

Alimlər müxtəlif psixososial göstəricilər üzrə qiymətləndirilən 421 799 nəfərin məlumatlarını təhlil ediblər. Bunlara sosial dəstək səviyyələri, ailə vəziyyəti, kədər, narahatlıq meyilləri və ümumi psixoloji stres daxildir.

Təhlillər göstərib ki, xərçəng riskinin artması ümumilikdə bu amillərin heç biri ilə əlaqəli deyil. Sinə, prostat və yoğun bağırsaq xərçəngi də daxil olmaqla ən çox yayılmış xərçəng növləri ilə də heç bir əlaqə tapılmayıb.

Bəzi statistik əlaqələr əvvəlcə ağciyər xərçəngi xəstələrində müşahidə edilib. Həmçinin yaxınlarını itirmiş və ya sosial dəstəyin aşağı səviyyədə olduğu insanlarda ehtimal daha çox olub. Lakin məlum risk faktorları əsasən ailənin fiziki sağlamlıq tarixçəsi nəzərə alındıqdan sonra bu əlaqələrin əksəriyyəti özünü doğrultmayıb.

Alilmlərin fikrincə, nəticələr zəif zehni sağlamlığın və ya stresin xərçəng riskini birbaşa artırdığına dair geniş yayılmış inancı dəstəkləmir.

Tədqiqatçılar qeyd edirlər ki, bəzi araşdırmalarda müşahidə olunan stres və xərçəng arasındakı zəif bağlar çox vaxt əlaqəli həyat tərzi amilləri – məsələn, zərərli vərdişlər və ya digər davranış vərdişləri ilə izah olunur ki, bu da həqiqətən xəstəlik riskini artıra bilər.