Süni tənəffüs aparatına qoşulublar | Təxliyə edilən körpələrin son vəziyyəti

Yanğına görə Kliniki Tibbi Mərkəzin (KTM) Yenidoğulmuşlar şöbəsinə təxliyə olunan 6 körpənin vəziyyəti ağırdır.

Bunu KTM-in Yenidoğulmuşlar şöbəsinin uzman pediatr-neanotoloqu Aysel Qədimova jurnalistlərə açıqlamasında deyib.

Onun sözlərinə görə, şöbəyə 15 körpə gətirilib. Onlardan 6 nəfərin vəziyyəti ağırdır: "Bu körpələrin vaxtından əvvəl doğulması ilə əlaqədardır. Durumu ağır olan 6 körpədən 3-ü süni tənəffüs aparatına, digər 3-ü isə sipap aparatına qoşulub. Reanimasiyada olan körpələrin yaxın zamanlarda palataya köçürülməsi nəzərdə tutulmur".