Cəmiyyət
Pleyeri seçin:
Şuşada bir ilk | Əmək yarmarkasında neçə vakansiya elan edildi?
Dövlət Məşğulluq Agentliyi Prezidentin xüsusi nümayəndəliyinin dəstəyi ilə Şuşada ilk dəfə əmək yarmarkası təşkil edib.
Əmək və Əhalinin Sosial Müdafiəsi Nazirliyindən bildirilib ki, aktiv məşğulluq tədbirində dövlət və özəl sektordan 26 işəgötürən iştirak edib və müxtəlif fəaliyyət sahələri üzrə 250-dən çox vakansiya təqdim olunub.
Yarmarkada müraciət edən şəxslərin qeydiyyatı aparılıb və uyğun namizədlərin müvafiq vakansiyalar üzrə işlə təminatı həyata keçiriləcək.
İştirakçılara həmçinin özünüməşğulluq proqramı, Qarabağ Peşə Hazırlığı Mərkəzində təşkil olunan peşə hazırlığı kursları barədə məlumatlar verilib. Özünüməşğulluq proqramına, peşə kurslarına cəlb edilmək istəyən sakinlərin qeydiyyatı aparılıb.
Kopyalandı
Seçilmişlər
