Taleh Kazımov qorxu yaradan sığorta şirkətlərindən danışdı

“Sığorta vasitəçiləri, şirkətləri, agentlikləri əhalini qorxudur ki, icbari əmlak sığortası etməsələr, cərimələnəcəklər. Onların belə bir hüququ yoxdur”.

Bunu Milli Məclisin bu gün keçirilən iclasında “Azərbaycan Respublikasının Mərkəzi Bankı haqqında” Qanuna təklif edilən dəyişikliklərin müzakirəsi zamanı Mərkəzi Bankın sədri Taleh Kazımov deyib.

“Bu səlahiyyət yalnız müvafiq dövlət orqanlarına aiddir. Digər qurumların belə bir səlahiyyəti yoxdur”, – deyə o qeyd edib.