Tbilisidə Novruz bayramı belə qeyd olundu

Tbilisinin mərkəzindəki meydanda Novruz bayramı münasibətilə təntənəli tədbir keçirilib.

Bayram şənliyində Tbilisi rəsmiləri, Azərbaycanın Gürcüstandakı səfiri, Türkiyə, Qazaxıstan, Türkmənistan və digər ölkələrin diplomatları, Azərbaycan icmasının üzvləri, ziyalılar və gənclər iştirak ediblər.

Səfirimiz Faiq Quliyev Novruz bayramı münasibətilə iştirakçıları təbrik edib.

Tədbir iştirakçıları milli-mədəni və incəsənət nümunələrimizin, Novruz atributlarının nümayiş olunduğu Azərbaycan guşəsini ziyarət ediblər. Milli mətbəximizin ləziz təamlarından dadıblar. Sonra Novruz tonqalı alovlandırılıb.

Bayram tədbiri maraqlı konsert proqramı ilə davam edib.