TƏBİB-in tabeliyindəki tibbi helikopterlərin istifadəsi və sayı ilə bağlı detallar

Hazırda TƏBİB-in tabeliyində iki tibbi helikopter var.

Bunu TƏBİB-in icraçı direktoru Vüqar Qurbanov brifinqdə sualları cavablandırarkən deyib.

O bildirib ki, ehtiyac yarandığı təqdirdə onlardan istifadə olunur:

“Yol infrastrukturunun yaxşı olduğunu nəzərə alaraq təcili tibbi yardım avtomobilinin helikopter vasitəsilə daşınma nisbətindən daha sürətli ola biləcəyini düşündüyümüzdən ehtiyac olmayıb. Hesab edirəm ki, helikopterlərdən adətən dağlıq və çətin relyefi olan ərazilərdən xəstə daşınması məqsədəuyğundur”.